Matbuot xizmatiYangiliklarBakalavr va magistratura uchun qancha grant ajratilgani ma’lum bo‘ldi

Bakalavr va magistratura uchun qancha grant ajratilgani ma’lum bo‘ldi

Bakalavriatura bo‘yicha 34 838 nafar, magistratura bo‘yicha esa 9 365 nafar etib belgilandi.

2024/2025 o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi parametrlari to‘g‘risidagi prezident farmoyishi qabul qilindi. Hujjat bilan, davlat oliy ta’lim muassasalariga o‘qishga qabul qilishning davlat buyurtmasi (grant) parametrlari bakalavrlar tayyorlash bo‘yicha kunduzgi ta’lim shakliga — 34 838 nafar etib, magistratura bo‘yicha esa 9 365 nafar etib belgilandi.

Oliy ta’lim, fan va innovatsiyalar vazirligiga uch kun ichida davlat buyurtmasining taqsimotida ishtirok etish istagini bildirgan hamda talabalar qabulini davlat OTMlari uchun o‘rnatilgan tartib va shartlarda amalga oshiruvchi nodavlat OTMlari ro‘yxatini, ular takliflariga asosan ta’lim shakllari va ta’lim tillari kesimidagi umumiy qabul parametrlari bo‘yicha takliflarni Davlat komissiyasiga taqdim etadi.

Shuningdek, vazirlik bir haftada quyidagi takliflar taqsimotini ham taqdim etishi kerak:

  • xorijiy OTMlar va ularning filiallari hamda nodavlat OTMlarga ajratilgan 1200ta davlat granti;
  • xotin-qizlar uchun ajratilgan 2000ta davlat granti;
  • o‘zbek tili va adabiyoti, tarix, madaniyat, san’at va hunarmandchilik yo‘nalishlarida o‘qish istagini bildirgan, xorijda istiqomat qilayotgan yosh vatandoshlar uchun 30ta davlat granti.
  • Davlat komissiyasi bir hafta ichida bakalavriaturaga qabul bo‘yicha OTMlar, ta’lim shakllari va ta’lim tillari kesimidagi umumiy qabul, shuningdek, imtiyozga ega abituriyentlar uchun qo‘shimcha qabul parametrlarini tasdiqlashi zarur.

Shu bilan birga, tegishli bakalavriat ta’lim yo‘nalishining oldingi o‘quv yilidagi o‘rtacha o‘tish ballari hisobga olingan holda davlat granti va to‘lov-kontrakt asosida o‘qishga qabul qilishning minimal o‘tish bali tasdiqlanadi.

Davlat organlari va tashkilotlari hamda ustav fondida davlat ulushi 50% va undan ortiq bo‘lgan xo‘jalik jamiyatlari buyurtmalariga asosan, umumiy grant asosidagi qabul parametrlari doirasida maqsadli qabul kvotalari va ularning tuman (shahar)lar kesimidagi taqsimoti tadiqlanadi.

Bundan tashqari, har bir bakalavriatura bo‘yicha OTMning umumiy qabul parametriga nisbatan grant kvotasi ulushi ta’lim sohalari kesimida, magistratura bo‘yicha qabul parametrlari grant va to‘lov-kontraktga ajratilgan holda OTMlar va tillar kesimida tasdiqlanadi. O‘qishga kirishda to‘plagan baliga nisbatan ma’lum miqdordagi qo‘shimcha ball beriladigan shakldagi imtiyozga ega abituriyentlar tanlagan ta’lim yo‘nalishi bo‘yicha belgilangan o‘tish bali va undan yuqori ball to‘plasa, unga mos ravishda grant yoki to‘lov-kontrakt asosida qo‘shimcha kvota bilan talabalikka tavsiya etiladi.

Oliy ta’lim, fan va innovatsiyalar vazirligi qabul parametrlarga oid ma’lumotlarni taqdim etdi.

15-iyul kuni Shavkat Mirziyoyev davlat OTMlariga qabul jarayonlari bo‘yicha takliflar bilan tanishgandi. Unda davlat rahbari OTMlarga umumiy davlat buyurtmasini tasdiqlash borasida ko‘rsatmalar bergandi.

Bo‘limlar

So'nggi yangiliklar

O‘zbekistonda OTMlarda dual ta‘limning yangi tizimi joriy etiladi

Prezident “Oliy ta‘limda dual ta‘lim shaklida kadrlar tayyorlash tizimini takomillashtirish chora-tadbirlari to‘g‘risida"gi farmonni imzoladi. Bu haqda Adliya vazirligi xabar berdi. Hujjatga ko‘ra, 2027/2028 o‘quv yilidan OTMlarda...

Prezidentimiz ustoz va murabbiylar bilan uchrashib, ta’lim sohasidagi yangi tashabbuslarni belgilab berdi

Prezident Shavkat Mirziyoyev O‘qituvchi va murabbiylar kuni arafasida pedagoglar bilan uchrashdi. Davlatimiz rahbari barcha ustoz va murabbiylarni kasb bayrami bilan tabriklab, ularning yosh avlod tarbiyasidagi...

Davlatimiz rahbari taʼlimdagi islohotlar natijalari va zamonaviy ilmiy infratuzilma bilan tanishdi

Prezident Shavkat Mirziyoyev Oʻqituvchi va murabbiylar kuni arafasida “Yangi Oʻzbekiston” universitetiga tashrif buyurib, taʼlim sohasidagi islohotlar va kelgusidagi rejalarga bagʻishlangan koʻrgazma bilan tanishdi. Davlatimiz rahbari...

Samarqand zafaridan jahon shaxmat markazi sari: Prezidentimiz chempionlar bilan uchrashdi

Prezident Shavkat Mirziyoyev shaxmat va parashaxmat boʻyicha Oʻzbekiston terma jamoalari aʼzolari, ularning yaqinlari, ustoz va murabbiylari bilan uchrashdi. Davlatimiz rahbari shaxmatchilarimizni Samarqandda oʻtkazilgan 46-Butunjahon shaxmat...

Maktab va oliy ta’limdagi islohotlarning navbatdagi vazifalari ko‘rib chiqildi

Prezident Shavkat Mirziyoyev maktab ta’limida yangi avlod darsliklarini joriy etish, oliygohlar va korxonalar hamkorligida dual ta’limni tashkil qilish, shuningdek, Lyaonin pedagogika universitetining O‘zbekistondagi filiali...

Davlatimiz rahbari shaxmat bo‘yicha O‘zbekiston terma jamoasi a’zolariga tabrik yo‘lladi

Qadrli o‘g‘il-qizlarim! Hurmatli ustoz va murabbiylar! Dunyo shaxmat osmonida yorqin yulduz bo‘lib porlagan siz, aziz farzandlarimni 46-Jahon shaxmat olimpiadasida erishgan tarixiy g‘alabangiz bilan chin qalbimdan tabriklayman. Ikki...