2025/2026 o‘quv yili uchun bakalavriat bosqichiga 35 500 ta, magistratura bosqichiga esa 9 922 ta grant ajratildi.
18-iyul kuni prezidentning davlat oliy ta’lim tashkilotlariga o‘qishga qabul qilishning davlat buyurtmasi parametrlarini tasdiqlash to‘g‘risidagi farmoyishi qabul qilindi.
Hujjat bilan 2025/2026 o‘quv yili va kelgusi 3 o‘quv yili uchun davlat OTMlariga davlat buyurtmasi asosida o‘qishga qabul qilish davlat buyurtmasi parametrlari tasdiqlandi.
Bunda bakalavriat bosqichiga kunduzgi ta’lim shakli bo‘yicha grant uchun o‘rinlar quyidagicha:
- 2025/2026 o‘quv yili uchun — 35 500 ta;
- 2026/2027 o‘quv yili uchun — 36 023 ta;
- 2027/2028 o‘quv yili uchun — 36 460 ta;
- 2028/2029 o‘quv yili uchun — 36 761 ta.
Magistratura bosqichiga kunduzgi ta’lim shakli bo‘yicha:
- 2025/2026 o‘quv yili uchun — 9 922 ta;
- 2026/2027 o‘quv yili uchun — 10 191 ta;
- 2027/2028 o‘quv yili uchun — 10 477 ta;
- 2028/2029 o‘quv yili uchun — 10 784 ta.
- Shuningdek, xorijiy oliy ta’lim tashkilotlari va ularning filiallari hamda nodavlat oliygohlarga 1 320 ta davlat granti ajratildi.
O‘qish istagini bildirgan, xorijda istiqomat qilayotgan yosh vatandoshlar uchun 30 ta, xotin-qizlar uchun esa 4 000 ta davlat granti uchun o‘rinlar taqsimlandi.
