Foydali manbalarKutubxonaAyna Books asoschisi Ayna Aliyeva tavsiya qilgan 5 ta kitob

Ayna Books asoschisi Ayna Aliyeva tavsiya qilgan 5 ta kitob

Ayna dastlab o‘zini tikuvchilik sohasida sinab ko‘rdi. Biroq vaqt o‘tishi bilan ishini to‘xtatdi. 2021-yil sentabr oyida tadbirkor Instagram’da kitoblarni onlayn sotishga qaror qildi. Ular juda tez sotildi va u savdo nuqtasi ochish haqida o‘ylay boshladi. Ayna kitob do‘konini 15-fevralda ochdi.

Bugungi kunda Ayna 2021-yil iyul oyida ochgan “Avis Tour” sayyohlik agentligiga ham egalik qiladi.

“Bolaligimdan ko‘p o‘qiganman. Qo‘limdagi kitobsiz hayotimni tasavvur qila olmayman. Menga detektiv asarlar yoqmaydi. Boshqa barcha janrlarni katta zavq, qiziqish va intriga bilan o‘qiyman”, — deya ta’kidlaydi tadbirkor.

“Men o‘qishni o‘z biznesimga aylantirdim — menimcha, bu mening unga bo‘lgan muhabbatimning eng yaxshi ko‘rsatkichidir”, deya qo‘shimcha qildi u.

“Yashirin yordam”, Lyudmila Petranovskaya

Psixolog va pedagog Lyudmila Petranovskaya o‘z qo‘llanmasida ota-onalar va bolalar o‘rtasidagi muhim aloqa, g‘amxo‘rlik va tarbiya haqida gapiradi.

“Men bu kitobni uchinchi farzandim tug’ilganda o‘qiganman”, deydi Ayna.

Muallif juda oson va tushunarli tilda bizga ota-onalar va bolalar o‘rtasidagi mehr-oqibat asoslarini yetkazadi. Bolalarning shikoyatlari ortida nima yotganini aytadi va bolani tushunishga yordam beradi.

Tadbirkor bu kitobni ota-ona bo‘lmoqchi bo‘lgan har bir kishiga tavsiya qiladi.

“Ko‘rinmas ayollar”, Karolin Peres

Kitob gender tengligi haqidagi ijtimoiy tadqiqotlarga asoslangan.

Unda muallif nima uchun bugungi kunda ayollar mehnati e’tibordan chetda qolayotganini aytgan.

Bundan tashqari, u hayotning turli sohalarida tengsizlik haqida shubhasiz dalillarni keltirdi.

Ayna kitobni o‘tgan yili o‘qib chiqganini, o‘shandan beri uylar arxitekturasiga, o‘z uyini tartibga solishga va umuman hayotga butunlay boshqacha nazar bilan qaray boshlaganini aytadi.

Nega bu menda bunchalik taassurot qoldirganini o‘qishni boshlaganingizdan keyin tushunasiz, deydi u.

“Becoming”, Mishel Obama

AQShning birinchi xonimi xotiralari hech bir ayolni befarq qoldirmaydi. Bu shaxsning o‘zgarmas qat’iyatiga faqat tik turgan holda hayrat va olqish mumkin.

Bu ayol stereotiplar va jamoatchilik fikridan qat’i nazar, xohlagan narsangizga qanday erishishni va kuchli bo‘lishni ko‘rsatadi.

Ushbu kitobdan so‘ng men zudlik bilan ijtimoiy tarmoqlarda Mishelga obuna bo‘ldim va uning tasmadagi yozuvlarini ko‘rganimda, u mening eski do‘stimdek tuyuladi, deydi tadbirkor.

U ajoyib ayol, haqiqatan ham birinchi xonim, bu nomga loyiqdir. Men uni o‘qiganimdan keyin kuchli motivatsiyani qo‘lga kiritdim va o‘ylaymanki, bu ilhomlantiruvchi hikoyalarning barcha muxlislariga yoqadi.

Mishel o‘zining kichik qadamlari, muvaffaqiyatlari va muvaffaqiyatsizliklari hamda hatto oilaviy muammolari haqida gapiradi.

“Ochlik o‘yinlari”, Suzanna Kollinz

Qisqa vaqt ichida bestsellerga aylangan amerikalik yozuvchining romani. O‘quvchilarni doimiy keskinlik va intrigada ushlab turgan muallif butun dunyodagi odamlarning qalbini zabt eta oldi.

“Men distopiya, fantaziya, ilmiy fantastikani yaxshi ko‘raman. Bu yerda hamma narsa bitta romanda jamlangan”, deydi Ayna

Aynanmazkur kitobni birinchi tug‘ruq ta’tiliga chiqqanida o‘qiganini va bu kitob uni kundalik muammolar va tartiblardan uzoqroqqa olib ketganini takidlaydi.

Bu juda ko‘p turli xil fikrlarni uyg‘otadi, bizni o‘ylashga va atrofdagi hayotimizni tahlil qilishga majbur qiladi.

“Tinch Don”, Mixail Sholoxov

Ko‘pchilik tomonidan sevilgan ajoyib doston. Sholoxov g‘ayrioddiy iliqlik bilan o‘zi o‘sgan bu hududlarni tasvirlagan.

Xalq taqdiri, ularning qadriyatlari, kechinmalari va Birinchi jahon urushi voqealari. Tavsif juda samimiy, chuqur va tahliliy tarzda berilgan.

Men uni o‘smirligimda o‘qiganman. U yosh avlodni chiroyli uslub, rus tilining tabiati bilan tanishtiradi.

O‘smirlar uchun bu muhitni o‘qish va his qilish juda foydali bo‘ladi. Go‘zal va ayni paytda og‘riqli sevgi hikoyasi, shuningdek, kazaklarning hayoti.

Foydali manbalar

So‘nggi kitoblar

Thompson school asoschisi Shahzod Bahodirov tavsiya qilgan 5ta kitob

Shahzod Bahodirov 1997-yil 12-dekabrda Buxoroning G‘ijduvon tumanida tug‘ilgan. Singapur menejmentni rivojlantirish institutini tamomlagan. “Thompson school” nodavlat ta’lim muassasasi asoschisi va direktori ta’limdagi tadbirkorlik faoliyatini 2018-yilda boshlagan....

O‘zbek tilida biznes haqidagi TOP-5 kitob

Charlz Uilan. “Yalang‘och iqtisodiyot”. Jon Devid Mann, Devid Bax. “Latte omili. Moliyaviy mustaqillik va erkin hayot sari”. Filip Kotler. "Zamonaviy marketing. Har bir tadbirkor bilishi zarur...

Legalmax boshqaruvchi hamkori Muxammadali Maxmudov tavsiya qilgan 5ta kitob

Muxammadali Maxmudov 2003-yildan buyon “Legalmax” kompaniyasining boshqaruvchi hamkori. Uning patent vakili va advokat bo‘lib faoliyat yuritgani “Chambers Global” va “The Legal 500” tomonidan e’tirof etilgan. Kitobga bo‘lgan ishtiyoqim yoshligimdan...