Andrey Medvedov o‘z biznes yo‘lini «Avtodizel» zavodining marketing bo‘limidan boshlagan edi. Bo‘lim boshlig‘i o‘rinbosari lavozimida u ancha yaxshi maosh olardi, biroq bir narsani payqab qoldi: mijozlar individual yondashuvni xohlashardi, zavod esa faqat bir xildagi standart generatorlarni yetkazib bera olardi.
Andrey zavoddagi ishini tashladi va o‘z biznesini ochishga qaror qildi. Unda boshlang‘ich sarmoya yo‘q edi, shuning uchun u biroz «tavakkal» qilishga majbur bo‘ldi:
-
Avval sayt yaratdi.
-
Generatorlarni mijoz talabiga ko‘ra takomillashtirish bo‘yicha 5 ta buyurtma oldi.
-
Mijozlardan oldindan to‘lovni yig‘di.
Aynan shu pullarga u ishchilarni yolladi, uskunalar o‘rnatdi va xomashyo sotib oldi. Tadbirkorning hatto sex uchun ham puli yo‘q edi — butun ishlab chiqarish jarayoni eski molxonada tashkil etildi.
Bunday «tavakkalchilik»ka qaramay, Medvedev buyurtmalarni sifatli bajardi. Shundan so‘ng u «Sanoat va quvvat mashinalari» (PSM) MCHJga asos soldi va topgan hamma foydasini yana ishga tikdi.
Keyinchalik ishlar yurishib ketdi — hozirda uning kompaniyasi nafaqat texnikani qayta ishlaydi, balki o‘zi ham generator va boshqa uskunalarni ishlab chiqaradi. 2016-yilga kelib, uning firmasi Rossiya bozorining 24,4 foizini egallagan edi.
