Matbuot xizmatiYangiliklarTadbirkorlik qilmoqchi bo‘lgan aholiga kredit tarixini yaxshilashga yordam beriladi

Tadbirkorlik qilmoqchi bo‘lgan aholiga kredit tarixini yaxshilashga yordam beriladi

2025-yilda banklar loyihasi bor 100 mingta “o‘rta” toifadagi mijozlar bilan uch oylik individual reja asosida ishlaydi. Ularga moliyaviy bilimini oshirish va loyihalarini yaxshilashga ko‘maklashiladi.

Endi tadbirkorlik bilan shug‘ullanmoqchi bo‘lgan aholiga kredit tarixini yaxshilashga ko‘maklashiladi. Bu haqda 16-dekabr kuni prezident raisligida o‘tkazilgan bank xizmatlari orqali mahallalarda kambag‘allikni qisqartirish yuzasidan videoselektor yig‘ilishida ma’lum qilindi.

Unda 85 ming gektar yerda kam daromadli ekin ekilgani uchun samarasi pastligicha qolayotgani qayd etildi. Bunday yerlar yirik konturga birlashtirilib, tajribali tadbirkorlarga ikkilamchi ijaraga berilsa, daromad 2−3 karra oshadi. Shu munosabat bilan yer egasiga ijara haqi va ekilgan mahsulotni sotishdan ulush to‘lanadi. Har bir konturga urug‘, ko‘chat, o‘g‘it tarqatib, yetishtirilgan mahsulotni sotib oladigan tadbirkorlarni yer egalari bilan bog‘laydigan tizim yaratish topshirildi.

Banklar tumanlar ixtisoslashuvidan kelib chiqib, xorijdan malakali agronom, zootexnik, texnolog, muhandis olib kelishga va loyihalar samarasini oshirishga yordamlashishi muhimligi ta’kidlandi.

O‘tgan olti yilda 9,7 mln aholidan 1,6 mln nafari “yaxshi” kredit tarixiga ega bo‘ldi. Qolgan 7,5 mln nafar aholining kredit tarixi “o‘rta” baholangani yangi kredit olishda talablar kuchayishi tabiiy ekaligi qayd etildi.
Bunday mijozlarning kredit tarixini yaxshilash, ularning tadbirkorga aylanishi uchun banklar katalizator bo‘lishi lozimligi ta’kidlandi. Buning uchun kelgusi yilda loyihasi bor 100 mingta “o‘rta” toifadagi mijozlar bilan uch oylik individual reja asosida ishlay boshlaydi.

Ularning soliq, elektr, gaz kabi to‘lovlari inobatga olinadi, buning uchun esa banklar tegishli ma’lumot bazalariga integratsiya qilinadi. Mijozlar biznesni soyadan chiqarish, moliyaviy bilimini oshirish va loyihalarini yaxshilash bo‘yicha bank bilan ishlashib, bu orqali banklar mijozlarini tadbirkorga aylantiradi.

Mamlakat bo‘yicha 60ta ilg‘or shahar-tumanni ishsizlik va kambag‘allikdan holi hududlarga aylantirish maqsadida kelgusi yilda 2 mln aholini band qilish, 417 mingta oilani kambag‘allikdan olib chiqish zarurligi qayd etildi. Tuman va shahar hokimlariga ushbu tuman-shaharlarda infratuzilmani yaxshilash topshirildi.

Davlat mablag‘lari qatorida tashqi manbalardan ham resurs jalb qilish zarurligi qayd etildi.

Buning uchun har bir bankda chet eldan mablag‘ olib keladigan ishchi guruh tuzish, xorijiy banklar bilan tizimli ishlab, chet elda roud-shoular o‘tkazish, yevrobond chiqarish, bank reytingini yaxshilash va xalqaro standartlarga moslashish dolzarb ekani ta’kidlandi.

Oxirgi 5 yilda kichik va o‘rta biznesning kredit portfelidagi ulushi 40%dan 28%gacha pasaygan. Ularning ulushini 40%ga yoki 120 trln so‘mga yetkazish choralarini ko‘rish zarurligi ta’kidlandi. Yirik loyihalarni kichik biznes hisobidan moliyalashtirish amaliyotiga chek qo‘yish vaqti kelgani qayd etildi.

Joriy yilda 5,5 trln so‘mlik mikromoliya va faktoring xizmatlari ko‘rsatildi. Har bir davlat banki o‘zining bunday kompaniyasini ochib, xorijiy investorlarni jalb qilishni rejalashtirmoqda. Resurslar investitsiya sifatida olib kelinadi. Kelgusi yilda mikromoliya va faktoring kompaniyalari orqali 10 trln so‘mlik xizmatlar ko‘rsatish muhimligi ta’kidlandi.

Bo‘limlar

So'nggi yangiliklar

Turkiy davlatlar sammiti 2027-yilda Özbekistonda ötkaziladi

11-noyabr kuni Turkiyaga amaliy taşrif doirasida prezident Şavkat Mirziyoyev Turkiy davlatlar taşkilotining yangi tayinlangan boş kotibi Mirvohid Azimovni qabul qildi. Bu haqda prezident matbuot...

Qoraqalpoğistonda 100 ming gektar yaylovga dronlar uruğ sepadi

Hukumat qaroriga köra, 2026-yil 15-noyabrdan «Xalq banki» AT tomonidan «Uzagrostar xolding» kompaniyasi taʼsisçiligida «Bözatov agrostar» kompaniyasi taşkil etiladi. Kompaniyaning asosiy vazifasi yaylovlarni özlaştiriş, çorvaçilik loyihalarini...

Nurafshonda IT Park imtiyozlariga ega Kelajak texnologiyalari markazi tashkil etiladi

Shavkat Mirziyoyev elektrotexnika sanoati vakillari, tadbirkorlar va investorlar bilan uchrashuv o‘tkazmoqda. Bu haqda prezident matbuot kotibi ma’lum qildi. Nurafshon shahrida “Kelajak texnologiyalari markazi” tashkil etiladi. Markaz korxonalariga...

Koreya universiteti O‘zbekistonda dron va samolyot ta’mirlovchi mutaxassislarini tayyorlamoqchi

Janubiy Koreyaning Hanseo universiteti O‘zbekistonda yuqori texnologiyali sohalar bo‘yicha kasbiy ta’lim kurslarini tashkil etishni rejalashtirmoqda. Bu haqda Migratsiya agentligi xabar berdi. Agentlik Koreya universiteti bilan o‘zaro...

O‘zbekistonda dronlar uchun yagona raqamli tizim yaratilishi mumkin

Shavkat Mirziyoyev iqtisodiyot tarmoqlarida uchuvchisiz aviatsiya tizimlaridan foydalanishni kengaytirish va uni tartibga solish bo‘yicha taqdimot bilan tanishdi. Bu haqda prezident matbuot xizmati xabar berdi. Dronlar yordamida iqtisodiy...

O‘zbekiston iqtisodiyoti 2029-yilgacha qanday rivojlanadi?

Markaziy bank boshqaruvi 4-noyabrdagi yig‘ilishida pul-kredit siyosatining 2027-yil va 2028−2029-yillar davriga mo‘ljallangan asosiy yo‘nalishlari konseptual loyihasini tasdiqladi. Bu haqda regulyator matbuot xizmati xabar berdi. Hujjatda iqtisodiy...