Matbuot xizmatiYangiliklarOilaviy tadbirkorlik dasturi doirasida 300 mln so‘mgacha shartsiz kredit beriladi

Oilaviy tadbirkorlik dasturi doirasida 300 mln so‘mgacha shartsiz kredit beriladi

To‘qqiz bank aholini daromadli qilish maqsadida xorijdan $1 mlrd jalb qilishi mumkin. 2025-yilda 1 mingta og‘ir mahalla infratuzilmasiga 3,2 trln so‘m ajratilishi belgilandi.

Iqtisodiy kompleksda sustkashlik va mas’uliyatsizlikka yo‘l qo‘ygan 297 nafar rahbar ishdan olindi. Bu haqda prezident matbuot kotibi Sherzod Asadov ma’lum qildi.

16-dekabr kuni Shavkat Mirziyoyev raisligida bank xizmatlari orqali mahallalarda kambag‘allikni qisqartirish bo‘yicha joriy yilda amalga oshirilgan ishlar va 2025-yil uchun asosiy rejalar yuzasidan videoselektor yig‘ilishi o‘tkazildi.

Unda davlat rahbari mahallaga tushib, odamlar va tadbirkorlar muammosini hal qilmagan rahbar ishlamasligini, hamma o‘zgarishi kerakligini qat’iy ogohlantirish bilan qayd etdi.

2025-yilda 5 mlndan ziyod aholini daromadli qilish, 1,5 mln odamni kambag‘allikdan chiqarish mahallabay hisob-kitob qilingan. Shu bilan birga, hokim va banklarning ijobiy tajribalarini kengaytirish, muammolarni hal qilish bo‘yicha 40dan ortiq taklif va tashabbuslar tayyorlangan.

Prezident yangi imkoniyatlar va rejalarni belgilab berdi. O‘tgan 6 yilda oilaviy tadbirkorlik dasturi doirasida 750 ming aholi kreditini vaqtida qaytarib, daromadli biznesga ega bo‘ldi. Ulardan 58 mingi yangi korxona ham ochdi. Endi banklar bunday mijozlarini qo‘llab-quvvatlab, ularni kichik va o‘rta biznes darajasiga olib chiqishi kerakligi ta’kidlandi. Ularga “Kichik biznesni qo‘llab-quvvatlash” dasturi doirasida shartsiz 300 mln so‘m kredit beriladi. Natijada, kelgusi yillarda 1,5 mln aholini ishli qilish mumkin.

Oilaviy tadbirkorlik dasturlariga kredit resurslari faqat davlat mablag‘laridan ajratilmoqda. “Xalq banki” bilan OTBning moliyaviy ommaboplik dasturi doirasida 50 mln so‘mgacha ortiqcha hujjat va garovsiz kredit berilmoqda. OTB dasturga $150 mln ajratishga tayyor ekanligi qayd etildi. Bu namuna asosida kelgusi yilda 9ta davlat bankiga chetdan $1 mlrd kredit jalb qilib, 250 ming odamni daromadli qilish tavsiya qilindi.

Mutasaddilarga kelgusi yilda 30 ta tumanda baliqchilik, quyonchilik, chorvachilik va asalarichilik bo‘yicha kooperatsiyalarni ko‘paytirish topshirildi. Bunga 500 mlrd so‘m yo‘naltirilishi belgilandi.

Bundan tashqari, hozirda 15 ming tadbirkor mahsulotlarni elektron platformalarda sotib, daromadini oshirmoqda. Bu borada BMTTD xususiy bank bilan 1 300 nafar ayolni o‘qitib, mahsulotini onlayn sotish tajribasini yaratmoqda. Ham investitsiya olib keladigan, ham ko‘p ish o‘rni yaratadigan startap loyihalarni qo‘llab-quvvatlash kengaytiriladi. Davlat banklari bittadan venchur kompaniya ochib, mahalla startaplariga o‘z mablag‘idan jami $50 mln ajratishi, startaplarni biznesga aylantiradigan akseleratorlar ochish kerakligini ta’kidladi.

Og‘ir tumanlarda tadbirkorlikni qo‘llab-quvvatlash, ishsizlik va kambag‘allikni qisqartirish bo‘yicha alohida yondashuv joriy qilinishi ta’kidlandi.

Masalan “Sanoat qurilish banki” Quvadagi yirik eksportyor bilan Qo‘ng‘irot tumanida brokkoli ekish va yog‘ochni qayta ishlash loyihalarini amalga oshirdi. Bunga past foizli kredit ham berdi.

Bu tajriba ma’qullanib, sharoiti og‘ir 71ta tumanga boshqa hududlardan tadbirkorlarni taklif qilish uchun ularga qo‘shimcha kredit, 2025-yilda 1 mingta og‘ir mahalla infratuzilmasiga 3,2 trln so‘m ajratilishi belgilandi.

Umuman, tadbirkorlar qo‘shimcha 31 trln so‘mlik 3,5 mingta loyiha va 200 mingta yangi ish o‘rni yaratishga tayyor. Iqtisodiyot va moliya vazirligiga bu loyihalar infratuzilmasiga 1 trln so‘m ajratish topshirildi.

Bo‘limlar

So'nggi yangiliklar

Turkiy davlatlar sammiti 2027-yilda Özbekistonda ötkaziladi

11-noyabr kuni Turkiyaga amaliy taşrif doirasida prezident Şavkat Mirziyoyev Turkiy davlatlar taşkilotining yangi tayinlangan boş kotibi Mirvohid Azimovni qabul qildi. Bu haqda prezident matbuot...

Qoraqalpoğistonda 100 ming gektar yaylovga dronlar uruğ sepadi

Hukumat qaroriga köra, 2026-yil 15-noyabrdan «Xalq banki» AT tomonidan «Uzagrostar xolding» kompaniyasi taʼsisçiligida «Bözatov agrostar» kompaniyasi taşkil etiladi. Kompaniyaning asosiy vazifasi yaylovlarni özlaştiriş, çorvaçilik loyihalarini...

Nurafshonda IT Park imtiyozlariga ega Kelajak texnologiyalari markazi tashkil etiladi

Shavkat Mirziyoyev elektrotexnika sanoati vakillari, tadbirkorlar va investorlar bilan uchrashuv o‘tkazmoqda. Bu haqda prezident matbuot kotibi ma’lum qildi. Nurafshon shahrida “Kelajak texnologiyalari markazi” tashkil etiladi. Markaz korxonalariga...

Koreya universiteti O‘zbekistonda dron va samolyot ta’mirlovchi mutaxassislarini tayyorlamoqchi

Janubiy Koreyaning Hanseo universiteti O‘zbekistonda yuqori texnologiyali sohalar bo‘yicha kasbiy ta’lim kurslarini tashkil etishni rejalashtirmoqda. Bu haqda Migratsiya agentligi xabar berdi. Agentlik Koreya universiteti bilan o‘zaro...

O‘zbekistonda dronlar uchun yagona raqamli tizim yaratilishi mumkin

Shavkat Mirziyoyev iqtisodiyot tarmoqlarida uchuvchisiz aviatsiya tizimlaridan foydalanishni kengaytirish va uni tartibga solish bo‘yicha taqdimot bilan tanishdi. Bu haqda prezident matbuot xizmati xabar berdi. Dronlar yordamida iqtisodiy...

O‘zbekiston iqtisodiyoti 2029-yilgacha qanday rivojlanadi?

Markaziy bank boshqaruvi 4-noyabrdagi yig‘ilishida pul-kredit siyosatining 2027-yil va 2028−2029-yillar davriga mo‘ljallangan asosiy yo‘nalishlari konseptual loyihasini tasdiqladi. Bu haqda regulyator matbuot xizmati xabar berdi. Hujjatda iqtisodiy...