2023-yilning birinchi choragida Oʻzbekistonda xorijiy kompaniyalar tomonidan 32,4 mlrd so‘m soliq to‘langan, deya xabar bermoqda Soliq qoʻmitasi matbuot xizmati.
Bu o‘tgan yilning mos davriga nisbatan 1,6 barobar ko‘p.
1-aprel holatiga, O‘zbekistonda elektron xizmatlar ko‘rsatuvchi 42 ta xorijiy kompaniya ro‘yxatga olingan.
Bunda, toʻlangan soliqlarning 95%i elektron xizmatlar koʻrsatuvchi 10 ta xorijiy kompaniya hissasiga toʻgʻri keladi.
Unga ko‘ra, “Meta”, “Google” va “Apple” kompaniyalari mamlakatda eng ko‘p soliq to‘lovchi xorij kompaniyalari ro‘yxatida kuchli uchlikni egallagan. To’liq ro’yxat esa quyidagicha:
🔹Meta – 12,1 mlrd so’m;
🔹Google – 9,3 mlrd so’m;
🔹Apple – 6 mlrd so’m;
🔹Вooking.соm – 1,1 mlrd so’m;
🔹Netflix – 1,1 mlrd so’m;
🔹Xsolla – 632,9 mln so’m;
🔹Yandex – 363 mln so’m;
🔹Paddle.соm – 321 mln so’m;
🔹Linkedin – 275,6 mln so’m;
🔹Adobe Systems – 221 mln so’m.
