Hurmatli matbuot va ommaviy axborot vositalari fidoyilari! Sizlarni o‘zim hamda «Yoshlar — kelajagimiz» jamg‘armasining barcha xodimlari nomidan 27-iyun — Matbuot va ommaviy axborot vositalari xodimlari kuni bilan chin qalbdan muborakbod etaman.
Siz so‘z orqali jamoatchilik fikrini shakllantirish, adolat va haqiqatni qaror toptirish yo‘lida izlanasiz. Kezi kelganda ayrim insonlar o‘z fikrini to‘g‘ri ifoda eta olishga ham ojizlik qilgan bir pallada, mahoratingiz bilan nafaqat aholi o‘rtasida, balki xalqlar, mamlakatlar, millatlar o‘rtasidagi muvozanatni saqlash, o‘zaro anglashuv asosida yashashi uchun xizmat qilasiz. Bu yo‘ldagi xolis xizmatlaringiz hamisha tinchlik va osoyishtalikni saqlash, taraqqiyotga hissa qo‘shishiga tilakdoshmiz.
Sharafli mehnatingiz, haqiqatni so‘zlashdagi jasoratingiz va yaxshilikni keng yoyishdagi jo‘shqin ishtiyoqingiz aslo so‘nmasin. Hayot haqiqatlarini, atrofimizda sodir bo‘layotgan voqea-hodisalarni va albatta, amalga oshirilayotgan ishlarimizdagi yutuq hamda kamchiliklarimizni ro‘yi-rost ko‘rsatib berayotganingiz uchun sizlardan minnatdormiz.
Hurmatli jurnalistlar, sizlarni yana bir bor qutlug‘ va sharafli kasb bayramingiz — Matbuot va ommaviy axborot vositalari xodimlari kuni bilan samimiy tabriklayman. Barchangizga mustahkam sog‘lik, xonadonlaringizga tinchlik-osoyishtalik, ijodiy muvaffaqiyat tilayman.
Sattarov Xayrulla Fayzullayevich
“Yoshlar — kelajagimiz” jamg‘armasi ijro etuvchi direktori
