Uy-joy sotib olishda boshlang‘ich to‘lov va foiz to‘lovlarining bir qismini qoplash uchun 2,7 trln so‘m subsidiya beriladi.
Avvalroq Shavkat Mirziyoyevning Oliy Majlisga va O‘zbekiston xalqiga Murojaatnomasi bo‘lib o‘tayotgani haqida xabar berilgandi.
Unda aholi ehtiyojidan kelib chiqib, iqtisodiyotda eng katta talab yaratadigan uy-joy ipotekasiga 2026-yilda 23 trln so‘m resurs ajratilishi ma’lum qilindi.
Uy-joy sotib olishda boshlang‘ich to‘lov va foiz to‘lovlarining bir qismini qoplash uchun 2,7 trln so‘m subsidiya beriladi. Shuningdek, bitta kvartira uchun ajratiladigan imtiyozli ipoteka kreditining miqdori 15% ga oshiriladi.
Kelgusi yilda 140 mingta kvartirali ko‘p qavatli uy-joy barpo etilishi ro‘zg‘or uchun zarur iste’mol tovarlariga talabni oshirishi tabiiyligi qayd etildi. Bu talabni moliyaviy manbalar bilan ta’minlash maqsadida 2026-yilda 125 trln so‘mlik iste’mol krediti ajratiladi.
Umuman, 2026-yilda qurilish ishlari hajmini 11% ga ko‘paytirib, $30 mlrdga yetkazish reja qilingan.
