Matbuot xizmatiYangiliklarO‘zbekiston milliy jamoasi xalqaro turnir finalida Eronni mag‘lub etdi

O‘zbekiston milliy jamoasi xalqaro turnir finalida Eronni mag‘lub etdi

Birlashgan Arab Amirliklarning Al-Ayn shahrida o‘tkazilgan Al Ain Cup xalqaro turniri finalining asosiy vaqtida hisob ochilmadi. Penaltilar seriyasida o‘zbekistonliklar g‘alaba qozondi.

Birlashgan Arab Amirliklarning Al-Ayn shahrida 4 ta milliy jamoa ishtirokida Al Ain Cup xalqaro turniri yakunlandi.

O‘zbekiston milliy jamoasi 18 noyabr kuni finalda Eron bilan o‘ynadi.

Birinchi bo‘limda Fabio Kannavaro shogirdlarining biroz ustunligi sezilib turdi. Ammo Otabek Shukurov, Oston O‘runov va Eldor Shomurodov qulay vaziyatlardan foydalana olmadi.

Ikkinchi bo‘lim teng kurashlar ostida o‘tdi. 72-daqiqada himoyachi Abduqodir Husanov darvozabon bilan yakkama-yakka chiqib borayotgan eronlik futbolchini to‘xtatib qolgani uchun maydondan chetlatildi. Shundan so‘ng, eronliklar to‘liq tashabbusga ega bo‘ldi, ammo O‘zbekiston darvozasiga yo‘l topolmadi.

Penaltilar seriyasida O‘zbekiston milliy jamoasi 4:3 hisobida g‘alaba qozondi.

17 noyabr kuni o‘tkazilgan uchinchi o‘rin uchun bahsda Misr va Kabo-Verde to‘qnash keldi. Asosiy vaqt 1:1 hisobida yakunlandi. Penaltilar seriyasida misrliklar 2:0 hisobida g‘alaba qozondi.

Al-Ain Cup 2025. Final
18 noyabr, Abu Dabi, «Rashid Al Maktum» stadioni
O‘zbekiston – Eron 0:0 (pen. 4:3)

O‘zbekiston: Abduvohid Ne’matov, Abduqodir Husanov, Farruh Sayfiyev (Rustam Ashurmatov 89), Otabek Shukurov (Akmal Mozgovoy 79), Odil Hamrobekov, Aziz G‘aniyev (Hojimat Erkinov 64), Oston O‘runov (Jamshid Iskanderov 64), Sherzod Nasrullayev, Eldor Shomurodov, Abdulla Abdullayev, Husniddin Aliqulov

Bosh murabbiy: Fabio Kannavaro

Eron: Alirizo Beyronvand, Solih Hardaniy, Majid Husayniy, Shojaiy Xalilzoda, Milod Muhammadiy, Said Izzatullohiy (Muhammad Qurboniy 10), Saman Quddus, Mahdiy Qoidiy, Mahdiy Torimiy, Amirhusayn Husaynzoda, Ali Alipur

Bosh murabbiy: Amir G‘alinoiy

Ogohlantirish: Farruh Sayfiyev (54)

Chetlatish: Abduqodir Husanov (68)

Bo‘limlar

So'nggi yangiliklar

O‘zbekistonda uy-joy qurilishi ikki barobarga, ipoteka kreditlari esa 10 barobarga oshiriladi

Yangi qo‘mita urbanizatsiya, uy-joy qurilishi va renovatsiya jarayonlarini yagona tizimda boshqaradi. 20-noyabr kuni O‘zbekistonda uy-joy va ipoteka bozorini barqaror rivojlantirish chora-tadbirlari to‘g‘risidagi prezident farmoni qabul qilindi. Hujjat bilan uy-joy...

Davlat korxonalari boshqaruv xodimlari soni 10% gacha qisqartiriladi

2026-yilda davlat ulushi 50% va undan yuqori bo‘lgan korxonalarda mahsulot tannarxi kamaytiriladi. Prezident davlat korxonalarida tannarxni kamaytirish va samaradorlikni oshirish bo‘yicha farmoyishni imzoladi. Hujjat Lex.uz‘da eʼlon qilindi. Farmoyishni qabul...

O‘zbekistonda bino va inshootlarning zilzilabardoshligi bo‘yicha talablar kuchaytiriladi

Loyihalashtirish jarayonida mintaqaviy akselerogrammalar bazasidan foydalanish yo‘lga qo‘yiladi. Bino va inshootlarning zilzilabardoshligi oshiriladi. Bu haqda hukumatning tegishli qarori qabul qilindi. Hujjatga ko‘ra, 2025-yil 1-dekabrdan zilzilalar kuchini ko‘rsatib beruvchi mintaqaviy...

2026-yildan biznes uchun litsenziya olishda 20 kunlik baholash xizmati ishga tushadi

Mansabdor shaxslar litsenziyalash va ruxsat berish sohasidagi huquqbuzarliklar uchun ma‘muriy javobgarlikka tortilmaydi. Avvarloq prezident O‘zbekistonda “Biznesni 15 daqiqada boshlash” tamoyilini joriy etish to‘g‘risidagi farmonni imzolagani haqida xabar...

Markaziy Osiyo mamlakatlari birgalikda Made in Central Asia brendini yaratmoqchi

Markaziy Osiyo mamlakatlarining o‘zaro tovar ayirboshlash hajmini 20 milliard dollarga yetkazish rejalashtirilmoqda. Bu haqda 13-noyabr kuni Toshkentda bo‘lib o‘tgan Markaziy Osiyo va Ozarbayjon mamlakatlarining...

O‘zbekistonda sinov tarzida 1 trln so‘mlik ipoteka obligatsiyalari chiqariladi

Istiqbolli loyihalar milliy agentligi “Tartibga solish qumdoni” maxsus huquqiy rejimi doirasida ipoteka obligatsiyalari emissiyasi va muomalasi to‘g‘risidagi vaqtinchalik nizomni tasdiqladi. Bu haqda agentlik matbuot xizmati xabar berdi. Nizom sekyuritizatsiya jarayonlarini,...