Joriy yilning 26-mart kuni Janubiy Koreya poytaxti Seul shahrida «Vatandoshlar» xalqaro biznes marafoni bo’lib o’tdi.
Mazkur tadbir nafaqat biznes aloqalarni mustahkamlash, balki vatandoshlar o‘rtasida samimiy muloqot maydonini yaratish maqsadida tashkil etildi.
Tadbir davomida tajribali spikerlar o‘z muvaffaqiyat sirlari va biznes strategiyalari bilan o‘rtoqlashdi. B2B uchrashuvlar o‘tkazilib, tadbirkorlar o‘rtasida o‘zaro manfaatli hamkorlik kelishuvlariga erishildi.
Savol-javob sessiyasi yoshlar uchun ayni muddao bo‘ldi — ular o‘zlarini qiziqtirgan savollarga mutaxassislardan to‘g‘ridan-to‘g‘ri javob olishdi.
Tadbirning badiiy qismidagi kuy-qo‘shiqlar barchaga o‘zgacha zavq bag‘ishlab, uchrashuvga bayramona kayfiyat baxsh etdi. Do‘stona va samimiy muhitda o‘tgan ushbu marafon yangi g‘oyalar va kuchli motivatsiya manbai bo‘ldi.
