Prezidentimiz Shavkat Mirziyoyev tomonidan start berilgan muvaffaqiyatli tadbirkorlik faoliyatini yo‘lga qo‘ygan vatandoshlar va yoshlar o‘rtasida muloqot maydonini yaratishga qaratilgan «Vatandoshlarning xalqaro biznes marafoni» haqiqiy ma’noda imkoniyatlar maydoniga aylandi.
Unda tadbirkorlik faoliyatini yo‘lga qo‘ygan vatandoshlar, shu sohaga qiziquvchi yoshlar, soha mutaxassislari ishtirok etishdi. Tadbir davomida tadbirkorlar o‘z muvaffaqiyat sirlari bilan bo‘lishishdi, soha vakillari hamda yoshlar o‘rtasida B2B ushrashuvlari tashkil etildi.
Marafon davomida yoshlar tajribali mentorlardan maslahat olishdi. Tadbir yuqori kayfiyatda — do‘stona muloqot muhitida o‘tdi. Bu marafon yoshlar uchun nafaqat biznes, balki do‘stlik va hamkorlikning yangi bosqichini boshlab berdi.
