Oʻz biznesini ochmoqchi, nafaqat Oʻzbekiston, balki jahon bozorini ham egallamoqchi boʻlgan barcha uchun 18-aprel kuni Toshkent davlat agrar universitetida mahoratli tabirkorlar va yoshlar ishtirokida “BIZNES MARAFON” boʻlib oʻtdi.
Unda “Yoshlar — kelajagimiz” jamg‘armasi ijro etuvchi direktori Xayrulla Sattarov, “MFaktor” loyihasi, “Dekos.uz” asoschisi Husan Mamasaidov, “Asian.code.team” loyihasi asoschisi Laziz Adhamov, “Dalatek” loyihasi asoschisi Dora Atadjanova singari O‘zbekistonning yetakchi tadbirkorlari ishtirok etishdi. Shuningdek, bu safar marafonda maxsus mehmon — Markaziy Osiyo va Janubi-Sharqiy Osiyo biznes hamjamiyati™ (CASEA-BC™) bosh direktori Rudy Fang ishtirok etdi.
Mavjud loyihalarni hayotga tatbiq etish, sarmoyadorlar hamda kerakli muassasalarni jalb qilish, shuningdek, biznes gʻoyalar hamda startaplarni amalga oshirish uchun qanday sharoitlar yaratilgani borasidagi savollarga javoblar berilgan uchrashuv kelajagini ulkan qadamlar ila boshlamoqchi boʻlgan yoshlar uchun ayni muddao boʻldi.
