Foydali manbalarKutubxona125 yillikning eng yaxshi 5 kitobi bilan tanishing

125 yillikning eng yaxshi 5 kitobi bilan tanishing

“New York Times” nashri dunyoning 68 ta mamlakatida yashovchi 200 mingta kitobxon orasida soʻrovnoma oʻtkazdi va soʻnggi 125 yillikning eng yaxshi beshta kitobini tanlab oldi. Gʻoliblar reytingi bilan tanishing:

1. “Mazaxchini oʻldirish” (1960), Xarper Li

Amerika klassikasiga aylangan bestseller AQSh janubidagi kichik shaharcha hayotidan hikoya qiladi. Attikus Finch ismli advokat oq tanli ayolga nisbatan jinsiy zoʻravonlikda ayblangan afroamerikalikni sudda himoya qilish vazifasini oʻz boʻyniga oladi.

Adiba 1961-yilda ushbu asar uchun Pulitser mukofotini olgan, asar qora tanli odamlarning huquqlari uchun kurashish timsoliga aylangan. Mazkur kitob Amerikadagi oʻrta maktablarning 80 foizida taʼlim dasturiga kiritilgan.

2. “Uzuk birodarligi” (1954), Jon Ronald Ruel Tolkin

Xobbit Frodo sarguzashtlari haqida hikoya qiluvchi asar “Uzuklar hukmdori” trilogiyasining birinchi qismi hisoblanadi. Frodo katta qudratga ega boʻlgan qadimiy uzukni yoʻq qilish uchun uzoq va xavfli sayohatga yoʻl oladi. 2001-yili ushbu asar asosida shu nomdagi film suratga olingan.

3. «1984» (1949), Jorj Oruell

Jorj Oruell tomonidan yozilgan “1984” antiutopik asari hayotning har bir jabhasi qudratli partiya tomonidan boshqariladigan dunyo haqida hikoya qiladi. XX asrning oʻrtalarida yozilgan mazkur asar soʻnggi yillar ichida har doimgidan-da mashhur boʻlib ketdi. Unda totalitarizmning dahshatli koʻrinishi aks ettirib berilgan.

4. “Yolgʻizlikning yuz yili” (1967), Gabriel Garsia Markes

Gabriel Garsia Markes tomonidan yozilgan “Yolgʻizlikning yuz yili” asari adabiyotdagi realizm yoʻnalishining eng mashhur namunalaridan biridir. Kitob 20 ta bobdan iborat boʻlib, katta oila hayoti haqida hikoya qiladi.

5. “Suyukli” (1987), Toni Morrison

Amerikalik yozuvchi Toni Morisson tomonidan yozilgan ilk roman nashr etilishi bilanoq haqiqiy bestsellerga aylangan. Asarning bosh qahramoni qora tanli qochoq qul ayol 2 yoshlik qizini qullikdan qutqarish uchun uni oʻldirishga majbur boʻladi. Oradan yillar oʻtib bosh qahramonning uyiga bolakayning arvohi joylashib oladi. Asar 1988-yilda Pulitser mukofotga munosib deb topilgan.

Foydali manbalar

So‘nggi kitoblar

Iman chocolate & fruits asoschisi Murodilla Alimbayev tavsiya qilgan 5 ta kitob

Murodilla Alimbayev shaxsiy rivojlanish, tafakkurni kengaytirish va yetakchilik fazilatlarini mustahkamlashga xizmat qiluvchi, tadbirkorni nafaqat ishbilarmon, balki barkamol inson sifatida shakllantiradigan kitoblarini Spot bilan bo‘lishdi. Murodilla Alimbayev —...

BMTning O‘zbekistondagi doimiy vakili Sabine Mahl tavsiya qilgan 5 ta kitob

Kitoblar orqali inson nafaqat bilim oladi, balki boshqa jamiyat, madaniyat va qarashlarni ham tushunishga o‘rganadi, deydi Sabine Mahl. BMTning O‘zbekistondagi doimiy koordinatori yetti yoshidan boshlab...

Ibrat farzandlari asoschisi Rustam Qoriyev tavsiya qilgan 5 ta kitob

Rustam Qoriyev o‘z tajribasiga tayanib, shaxsiy va professional o‘sishiga hissa qo‘shgan — loyiha yuritish, shaxsiy rivojlanish va fikrlash doirasini kengaytirishga yordam beradigan kitoblar ro‘yxatini Spot bilan bo‘lishdi. Rustam...