O‘z biznesini yo‘lga qo‘yishga muvaffaq bo‘lgan yosh tadbirkor Aleksandr Konotopskiy

0

Talabalik yillaridayoq xavfsizlik tizimlarini sotadigan muvaffaqiyatli biznesni yo‘lga qo‘ygan Aleksandr hozirda “Ajax Systems” kompaniyasi asoschisi hamda egasi hisoblanadi.

O‘z vaqtida Konotopskiy ushbu yo‘nalishda o‘rtacha narxdagi mahsulotni topishga harakat qilgan. Ammo buning uddasidan chiqa olmagan. Xitoy mahsulotlari juda arzon, Yevropa mahsulotlari juda qimmat bo‘lgan. “Ajax Systems” startapi aynan shu to‘siq qarshisida paydo bo‘lgan.

Asosiy faoliyati signalizatsiya vositalarini yaratish va ishlab chiqishni tashkil etuvchi kompaniya bugungi kunda ishonchli tarzda yetakchi o’rinni egallab kelmoqda.

Birgina 2015-yilda kompaniyaning yillik sof daromadi 1 million dollarga yetgan. Ayni paytda Aleksandr mavjud mablag‘ni innovatsion aqlli uy tizimini rivojlantirishga yo‘naltirgan.

O‘z biznesini yo‘lga qo‘ya olgan yosh tadbirkor Freyzer Doerti

0

Shotlandiyada dunyoga kelgan hozirda 36 yoshli Freyzer 14 yoshida buvisining retseptlari ustida turli tajribalar o‘tkazib ko‘radi.

Tajribalari natijasida sovitkichdagi bor masalliqlardan tayyorlangan ilk murabbolar kichik idishlarga solinib, qo‘shnilarga sotiladi va kutilmaganda ommalashib ketadi.

Murabbolar savdosi gullab-yashnay boshlagach, Freyzer o‘z biznesini rivojlantirishga bel bog‘laydi va “Super Jam” kompaniyasiga asos soladi. Bir muddat o‘tgach, o’z mahsulotlarini sotish bo‘yicha “Waitrose” supermarketlar tarmog‘i bilan shartnoma imzolaydi.

Hozirda Freyzer “Super Jam”dan tashqari “Envelope Coffee” kompaniyasi asoschisi hamda “Beer52” kompaniyasi hammuallifi hisoblanadi.

O‘z biznesini yo‘lga qo‘yishga muvaffaq bo‘lgan tadbirkor Oleg Husaenov

0

1990-yilda derazalarni tozalash bilan pul ishlashni boshlagan aviatsiya muhandisi bo‘lgan Oleg Moskva fuqarolik aviatsiyasi muhandislari instituti yotoqxonasidagi xonadoshi va boshqa sheriklari bilan birgalikda Belarus, Rossiya va Ukraina bozorlaridagi eng yirik avtosalonlardan biri — “Atlant-M” xoldingiga asos solgan.

1994-yilda “Volkswagen Group” xoldingning birinchi va eng muhim hamkoriga aylangan. 2000-yillarda xoldingning o‘nlab avtosalonlari orqali 20 dan ortiq avtomobil markalari sotilgan.

2010-yilda Oleg Husaenov avtomobilsozlik biznesini tashlab, investitsiya faoliyatini boshlagan. Hozirda Belarusdagi birinchi to‘g‘ridan-to‘g‘ri investitsiya fondlari bo‘lmish “SMH” va “Zubr Capital Fund I” u boshqaradigan “Zubr Capital” kompaniyasiga tegishli hisoblanadi.

O‘z biznesini yo‘lga qo‘yishga muvaffaq bo‘lgan tadbirkor Aleksandr Liskovskiy

0

Rossiyalik tadbirkor Aleksandr Liskovskiy “Alawar” kompyuterlar o‘yinlari yaratuvchi kompaniya asoschisi bo‘lib, hamkori bilan kiritgan dastlabki sarmoyasi atigi 1600 dollarni tashkil qilgan. 2010-yilda kompaniya daromadi 15-17 million dollarga baholangan.

2016-yilda esa yillik aylanmasi 10 million dollardan oshgan. 2017-yilda Liskovskiy yangi biznes — iFarm loyihasiga sarmoya kiritgan. Bu sabzavot, rezavorlar va o‘tlarni organik yetishtirish uchun yil bo‘yi avtomatlashtirilgan issiqxonalar bo‘lgan.

Bugungi kunda Aleksandr Liskovskiyning sof daraomadi 40 million dollarni tashkil etadi.

O‘z biznesini yo‘lga qo‘ya olgan yosh tadbirkor Lindsey Fillips

0

16 yoshida o‘z biznesini ochishga muvaffaq bo‘lgan Lindsey hozirda 36 yoshda bo‘lib, “Lindsay Fillips Inc” ayollar oyoq kiyimlari ishlab chiqaruvchi kompaniyaga egalik qiladi.

2007-yilda tashkil topgan ushbu kompaniya hozirda yiliga qariyb 30 million dollar daromad topadi.

Millionlarga arzuvchi g‘oya Lindseyda san’at darsida paydo bo‘lgan. Qiz iplarini o‘zgartisa boʻladigan ayollar poyabzali — slansilarni oʻylab topgan.

Ushbu oyoq kiyimlarning narxi 35 dollar, qoʻshimcha iplari esa 12 dollarni tashkil etadi.

Prezident stipendiyasi har bir OTMga 1 ta beriladigan bo‘ldi

0

Prezidentning tegishli farmoni bilan 2021/2022 o‘quv yilidan boshlab O‘zbekiston prezidenti davlat stipendiyasi kvotasi:

➖ tayanch doktoranturada tahsil olayotgan doktorantlar uchun 10 ta;
➖ magistratura bosqichi talabalari uchun 22 ta;
➖ bakalavriat bosqichi talabalari uchun esa har bir OTMga 1 tadan etib belgilandi.

Shuningdek, Qoraqalpog‘istondagi OTMLarda tahsil olayotgan iqtidorli talabalarga O‘zbekiston va Qoraqalpog‘iston xalq yozuvchisi To‘lepbergen Qaipbergenov hamda O‘zbekiston va Qoraqalpog‘iston xalq shoiri Ibroyim Yusupov nomli davlat stipendiyalari joriy etildi.

Endilikda Prezident va nomli davlat stipendiyalari davlat OTMlarining qo‘shma ta’lim dasturlari asosida tahsil olayotgan hamda respublikada faoliyat yurituvchi xorijiy OTMlarning filiallari va nodavlat oliygohlarning bakalavriat bosqichi talabalari uchun ham tatbiq etiladi.