Matbuot xizmatiYangiliklar2022-yilda hunarmandchilik loyihalarini moliyalashtirishga 500 mlrd so‘m yo‘naltiriladi

2022-yilda hunarmandchilik loyihalarini moliyalashtirishga 500 mlrd so‘m yo‘naltiriladi

“Hunarmandchilik faoliyatini qo‘llab-quvvatlash tizimini yanada takomillashtirish chora-tadbirlari to‘g‘risida”gi prezident qarori qabul qilindi.

Qarorga ko‘ra, 2022-yilda oilaviy tadbirkorlikni rivojlantirish dasturlari doirasida ajratilayotgan mablag‘larning 500 milliard so‘mi hunarmandchilik loyihalarini moliyalashtirishga yo‘naltiriladi.

Imtiyozli kreditlar hunarmandchilik loyihalarini amalga oshirish uchun 6 oygacha imtiyozli davr bilan 225 million so‘mgacha oilaviy tadbirkorlikni rivojlantirish dasturlari doirasida ko‘zda tutilgan shartlarda ajratiladi. Imtiyozli kreditlar hunarmandning talabi bo‘yicha naqd pul olish imkoniyati bilan taqdim etiladi. Imtiyozli kredit ajratish bo‘yicha “oilakredit.uz” elektron platformasida hunarmandlarni onlayn navbatga qo‘yish va ularning loyihalarini kreditlash uchun alohida bo‘lim ishga tushiriladi.

2022-yildan boshlab “usta-shogird” an’analari asosida yoshlarga hunar o‘rgatayotgan hunarmandlarga – shogirdlar tayyorlashi, zarur xomashyo sotib olishi va shogirdlarni ish haqi bilan ta’minlashi uchun 6 oy davomida har oyda BHMning 2 baravaridan kam bo‘lmagan miqdorda, shogirdlarga – mustaqil faoliyatini boshlashi uchun zarur asbob-uskuna va jihozlarni sotib olishi, shuningdek, ustalarga – internet saytlarini tashkil etish, o‘z mahsulotlarini jahon elektron savdo maydonchalariga chiqarish va reklama xarajatlarining 50 foizi, biroq BHMning 25 baravari miqdoridan oshmaydigan qismiga subsidiyalar ajratish tartibi joriy etiladi.

Bunda, subsidiya ajratiladigan hunarmandlar va shogirdlar hisobi “Hunarmand” uyushmasi tomonidan yuritilib, Mahallabay ishlash va tadbirkorlikni rivojlantirish agentligining “Onlayn mahalla” elektron platformasi bilan integratsiya qilinadi.

2022-yildan “Hunarmand” uyushmasi a’zolari uchun faoliyat yuritish joyidan qat’i nazar, kommunal infratuzilma xizmatlari haqini to‘lash aholi uchun belgilangan tariflar bo‘yicha va shartlar asosida amalga oshiriladi.

Bo‘limlar

So'nggi yangiliklar

Mahallalarda ish oʼrinlari yaratish va oilalar daromadini koʼpaytirish yangi tizimning asosiy mezoni boʼladi.

Faol islohotlar, tadbirkorlikni rivojlantirish va mahallabay ishlash natijasida oʼtgan yili mamlakatimizda yalpi ichki mahsulot 7,4 foizga oʼsdi. Hududlarda 100 mingta yangi tadbirkor ish boshladi....

“Biznes Marafon” 2-mavsum Farg‘ona viloyatida | 2-qism

Farg‘ona viloyati I.A. Karimov nomidagi teatr va konsert zalida mahoratli tadbirkorlar va yoshlar ishtirokidagi «BIZNES MARAFON» o‘z ishini boshladi.

“Biznes Marafon” 2-mavsum Farg‘ona viloyatida | 1-qism

Farg‘ona viloyati I.A. Karimov nomidagi teatr va konsert zalida mahoratli tadbirkorlar va yoshlar ishtirokidagi «BIZNES MARAFON» o‘z ishini boshladi.

Kuniga 10 ming qadam yurganlarga 3 ming so‘mdan to‘lash to‘xtatiladi

Aholini piyoda yurishga rag‘batlantirishning yangi mexanizmiga o‘tilishi ma’lum qilindi. Endilikda bir kunda kamida 10 ming qadam yurgan fuqarolar lotereya ishtirokchisiga aylanadi, har hafta oxirida...

Murod Nazarov Mehribonlik uyidan 9 nafar qiz asrab oldi

“Biznes marafon” loyihasi spikeri, taniqli tadbirkor, “Murad Buildings” kompaniyasi asoschisi Murod Nazarov 9 nafar qiz farzand asrab oldi. Ijtimoiy tarmoqlarda tadbirkor oilasining suratlari tarqalmoqda. Qayd...

125 yillikning eng yaxshi 5 kitobi bilan tanishing

“New York Times” nashri dunyoning 68 ta mamlakatida yashovchi 200 mingta kitobxon orasida soʻrovnoma oʻtkazdi va soʻnggi 125 yillikning eng yaxshi beshta kitobini tanlab...