Matbuot xizmatiYangiliklar1-oktyabrdan tadbirkorlik sohasiga oid qanday o'zgarishlar amalga oshiriladi?

1-oktyabrdan tadbirkorlik sohasiga oid qanday o’zgarishlar amalga oshiriladi?

1. Tadbirkorlarga “Sanitariya-epidemiologik osoyishtalik belgisi” beriladi

Tadbirkorlarga ularning faoliyati sanitariya qoidalari, normalari va gigiena normativlariga mosligini o‘rganish va tahlillar natijalariga asosan “Sanitariya-epidemiologik osoyishtalik belgisi”ni berish amaliyoti joriy qilinadi.

Belgi Sanitariya-epidemiologiya xizmati tomonidan uch xil turdagi – “yashil”, “sariq” va “qizil” toifalar bo‘yicha 12 oy muddatgacha beriladi.

“Yashil” toifadagi belgiga ega bo‘lgan tadbirkorlar faoliyati Sanitariya-epidemiologiya xizmati organlari tomonidan o‘rganilishi va tekshirilishiga yo‘l qo‘yilmaydi (ommaviy zaharlanish va guruhli kasalliklar qayd etilgan holatlar bundan mustasno).

2. Yer uchastkalariga bo‘lgan huquqlarni nazarda tutuvchi qarorlar, auksion va tanlov bayonnomalari, notarial tasdiqlangan bitimlar hamda boshqa hujjatlar Milliy geografik axborot tizimida davlat ro‘yxatidan o‘tkazilganidan keyin kuchga kiradi.

Milliy geografik axborot tizimi yuridik va jismoniy shaxslarni kadastr ma’lumotlari bilan tezkor ta’minlash imkonini beradi.

3. Alkogol’ va tamaki bozorini tartibga solish hamda vinochilikni rivojlantirish agentligi iste’mol va texnik etil spirti, alkogol’ va tamaki mahsulotlari ishlab chiqaruvchi korxonalar hamda alkogol’ mahsulotlarining ulgurji va chakana savdosi bilan shug‘ullanuvchi tashkilotlarning noqonuniy faoliyati haqida ma’lumot mavjud bo‘lganda, maxsus vakolatli organni xabardor qilgan holda tekshirishlarni amalga oshirish huquqiga ega bo‘ladi.

4. Byudjet va korporativ buyurtmachilar rahbarlari xarid qilinishi nazarda tutilgan tovarlar ro‘yxatini shakllantirishda ularni cooperation.uz portalida ro‘yxatdan o‘tgan mahalliy ishlab chiqaruvchilardan xarid qilish imkoniyatini majburiy tartibda o‘rganadi.

Bunda, korxonalar rahbarlari mahalliy ishlab chiqaruvchilardan xarid qilish imkoni bo‘lmagan taqdirda, import orqali tovarlar xarid qilinishining maqsadga muvofiqligini kuzatuv kengashlariga asoslab beradi.

5. Davlat ishtirokidagi xo‘jalik yurituvchi sub’ektlarning, shuningdek ularning affillangan shaxslarining va xo‘jalik faoliyatini amalga oshirish vakolatlari berilgan davlat muassasalarining (mudofaa qobiliyati va milliy xavfsizlik maqsadlarida bundan mustasno) ta’sis etilishiga quyidagi hollarda yo‘l qo‘yilmaydi:

bitta tovar bozorida beshta va undan ortiq xususiy tadbirkor faoliyat yuritib kelayotgan sohalarda;
davlat organlari tomonidan o‘zlariga lisenziyalash, ro‘yxatga olish, akkreditasiyadan o‘tkazish va ruxsat berish vakolati berilgan sohalarda.

6. Idoraviy normativ-huquqiy hujjatlar loyihalarini ishlab chiqish, kelishish, qabul qilish, huquqiy ekspertiza va davlat ro‘yxatidan o‘tkazish to‘liq tarzda Normativ-huquqiy hujjatlar loyihalarini ishlab chiqish va kelishishning yagona elektron tizimi orqali amalga oshiriladi.

Ushbu tizim 2020 yil 1 iyuldan boshlab sinov tariqasida amalga oshirib kelinmoqda.

7. Tadbirkorlar uchun yana bir imtiyoz

Quvvati 140 kilovattgacha bo‘lgan elektr uskunalarini tarmoqqa ulashda sarflanadigan xarajatlar tadbirkorlarning xohishiga ko‘ra, davlat xizmatlari markazlariga texnik shartlarni olish uchun murojaat qilish bilan bir vaqtda berilgan so‘rovnomasiga asosan “Hududiy elektr tarmoqlari” AJ mablag‘lari hisobidan amalga oshiriladi.

Mazkur mablag‘lar keyinchalik tadbirkorlar foydalangan elektr energiyasi qiymatiga qo‘shiladigan ustamalar hisobidan 1 yil davomida undirib olinadi.

8. Respublika byudjeti mablag‘lari va Respublika maqsadli kitob jamg‘armasi mablag‘lari hisobidan ta’lim muassasalari uchun darsliklar va o‘quv-metodik majmualarni nashr etishda narxlarni davlat tomonidan tartibga solish bekor qilinadi.

9. Aholini don mahsulotlari bilan uzluksiz ta’minlash va narxlar keskin o‘zgarishining oldini olish maqsadida intervension xaridlar tizimi bosqichma-bosqich joriy etiladi.

Bunda:

2021 yil hosilidan boshlab don uchun davlat buyurtmasi hajmlari bosqichma-bosqich kamaytiriladi, boshoqli don xarid qilish va sotishda erkin raqobatni ta’minlaydigan bozor mexanizmlari joriy etiladi;
oziq-ovqat xavfsizligini ta’minlash uchun davlat buyurtmasi tizimidan davlat zaxirasidan foydalanishga o‘tish bo‘yicha mexanizm ishlab chiqish nazarda tutiladi.

10. Aksiz solig‘i stavkalari miqdorlari o‘zgaradi

O‘zbekistonda ishlab chiqariladigan (xizmat ko‘rsatiladigan), aksiz solig‘i solinadigan tovarlar (xizmatlar)ning ayrim turlariga aksiz solig‘i stavkalari oshadi.

11. 2020 yil 1 oktyabrdan boshlab:

nodavlat ta’lim tashkiloti lisenziya olganidan keyingi lisenziya talablari va shartlaridan biri – “Nodavlat ta’limni boshqarish axborot tizimi”ga kiritish uchun tegishli ma’lumotlarni Ta’lim sifatini nazorat qilish davlat inspeksiyasiga taqdim etish hisoblanadi;
mazkur tizimda nodavlat ta’lim tashkiloti, uning ta’lim oluvchilari, pedagoglari va ta’lim-tarbiya jarayoni to‘g‘risidagi ishonchli ma’lumotning lisenziya olingandan boshlab 30 kun davomida yo‘qligi – lisenziyaning amal qilishini to‘xtatish yoki tugatish uchun asos bo‘ladi;
kadrlarni tayyorlash va malakasini oshirish bo‘yicha nodavlat ta’lim olganlik to‘g‘risida davlat namunasidagi hujjat blankalari berganlik uchun BHMning 10 foizi miqdorida yig‘im joriy etiladi.

12. Ichimlik suvi xizmatlari uchun narxlar mahalliy Kengashlar tomonidan ko‘rib chiqiladi

Suv ta’minoti va oqova suv xizmatlari uchun tartibga solinadigan narxlar monopoliyaga qarshi kurashish va narxlarni tartibga solish organlari xulosalari olinib, mahalliy Kengashlar qarori bilan ma’qullangandan so‘ng tasdiqlanadi.

Bo‘limlar

So‘nggi yangiliklar

O‘z biznesini yo‘lga qo‘yishga muvaffaq bo‘lgan yosh tadbirkor Aleksandr Konotopskiy

Talabalik yillaridayoq xavfsizlik tizimlarini sotadigan muvaffaqiyatli biznesni yo‘lga qo‘ygan Aleksandr hozirda “Ajax Systems” kompaniyasi asoschisi hamda egasi hisoblanadi. O‘z vaqtida Konotopskiy ushbu yo‘nalishda o‘rtacha narxdagi...

O‘z biznesini yo‘lga qo‘ya olgan yosh tadbirkor Freyzer Doerti

Shotlandiyada dunyoga kelgan hozirda 36 yoshli Freyzer 14 yoshida buvisining retseptlari ustida turli tajribalar o‘tkazib ko‘radi. Tajribalari natijasida sovitkichdagi bor masalliqlardan tayyorlangan ilk murabbolar kichik...

O‘z biznesini yo‘lga qo‘yishga muvaffaq bo‘lgan tadbirkor Oleg Husaenov

1990-yilda derazalarni tozalash bilan pul ishlashni boshlagan aviatsiya muhandisi bo‘lgan Oleg Moskva fuqarolik aviatsiyasi muhandislari instituti yotoqxonasidagi xonadoshi va boshqa sheriklari bilan birgalikda Belarus,...

Prezident stipendiyasi har bir OTMga 1 ta beriladigan bo‘ldi

Prezidentning tegishli farmoni bilan 2021/2022 o‘quv yilidan boshlab O‘zbekiston prezidenti davlat stipendiyasi kvotasi: ➖ tayanch doktoranturada tahsil olayotgan doktorantlar uchun 10 ta; ➖ magistratura bosqichi talabalari...
02:14:44

“Biznes ustoz” loihasining bugungi mehmoni “Asaxiy books” loyihasi asoschisi Feruzbek Allayev.

Aziz doʻstlar, biznesga oid bilim va tajribangizni oshirishni istaysizmi, unda mahoratli va tajribali tadbirkorlar ishtirokidagi jonli muloqotga taklif etamiz. Spiker: Feruzbek Allayev (https://t.me/allaevuzb) - asaxiy.uz...

“Yoshlar – kelajagimiz” jamg‘armasi Andijon viloyat filiali tomonidan tadbirkorlikka qiziqqan yoshlar ishtirokida oʻquv-seminarlar tashkil etilmoqda

2021-yil 8-sentabr kunning birinchi yarmida Andijon mashinasozlik institutining 1-kurs talabalari ishtirokida “Tadbirkorlik sirlari” mavzusida oʻquv-seminari oʻtkazildi. Kunning ikkinchi yarmida esa Andijon shahrida joylashgan kunlik mehnat...